மங்களூர் எண்ணெய் சுத்திகரிப்பு மற்றும் பெட்ரோலியப் பொருட்கள் உற்பத்தி ஆலை Mangalore Refinery and Petrochemicals Limited (சுருக்கமாக:MRPL), இந்தியாவின் கர்நாடகம் மாநிலம், தெற்கு கன்னட மாவட்டம், மங்களூர் நகரம் அருகே அரபுக் கடற்கரை அருகே உள்ள கட்டிபல்லா எனுமிடத்தில், எண்ணெய் மற்றும் இயற்கை எரிவாயுக் கழகத்தால் 1980ஆம் ஆண்டில் நிறுவப்பட்ட ஆலை ஆகும். இவ்வாலை பாறை எண்ணெய்யிலிர்ந்து பெட்ரோல், டீசல், மண்ணெண்ணெய், வானூர்தி பெட்ரோல், இயற்கை எரிவாயு மற்றும் பெட்ரோலிய வேதிப் பொருட்களை உற்பத்தி செய்கிறது. 1980ஆம் ஆண்டின் துவக்கத்தில் இவ்வாலை ஆண்டிற்கு 15 மில்லியன் டன் பெட்ரோலியப் பொருட்களை உற்பத்தி செய்தது.இவ்வாலை ஆண்டிற்கு 44 மில்லியன் டன் பிளாஸ்டிக் பொருட்களையும் (polypropylene) உற்பததி செய்கிறது.தற்போது இவ்வ்வாலை ஆண்டிற்கு 14.65 மில்லியன் டன் பாறை எண்ணெய்யை சுத்திகரித்து பெட்ரோல், டீசல், மண்ணெண்ணெய், வானூர்தி பெட்ரோல், எரிவாயு & பெட்ரோ-வேதியல் பொருட்களை உற்பத்தி செய்கிறது. 2020ஆம் ஆண்டில் இவ்வாலையின் ஆண்டு வருமானம் ₹60,062.02 கோடி ரூபாய் (US$8.4 பில்லியன்) ஆக உயர்ந்துள்ளது. 30 ஆகஸ்டு 2018 அன்று எண்ணெய் மற்றும் இயற்கை எரிவாயுக் கழகம் இவ்வாலையின் நிர்வாகத்தை இந்துஸ்தான் பெட்ரோலிய நிறுவனத்திற்கு மாற்றியது. Wikipedia