ഇന്ത്യയിലെ രണ്ടാമത്തെ വലിയ ഐടി കമ്പനിയാണ് ഇൻഫോസിസ്. ഡോ.എൻ.ആർ. നാരായണമൂർത്തിയുടെ നേതൃത്വത്തിൽ 1981 ൽ സ്ഥാപിക്കപ്പെട്ട വിവരസാങ്കേതിക വിദ്യാ മേഖലയിലെ കമ്പനിയാണ് ഇൻഫോസിസ് ലിമിറ്റഡ്. ഇൻഡ്യയിലെ ബാംഗ്ലൂരിൽ, ഇലക്ട്രോണിക് സിറ്റിയിൽ പ്രവർത്തിക്കുന്ന പ്രധാന ഓഫീസ് കൂടാതെ, ഇൻഡ്യയിൽ തന്നെ ഒൻപത് സോഫ്റ്റ്‌വേർ ഉല്പാദന കേന്ദ്രങ്ങളും, ഇരുപതു വിദേശ രാജ്യങ്ങളിലായി, മുപ്പതോളം മറ്റോഫീസുകളും പ്രവർത്തിക്കുന്നു. 2006 സാമ്പത്തിക വർഷത്തിൽ ഇൻഫോസിസിന്റെ വാർഷിക വിറ്റുവരവ് 2.15 ബില്യൺ യൂ എസ് ഡോളറിനു മുകളിലായിരുന്നു. 160,027 തൊഴിലാളികൾ ജോലി ചെയ്യുന്ന ഇൻഫോസിസ്, ഇൻഡ്യയിലെ ഏറ്റവും വലിയ ഐ റ്റി കമ്പനികളിലൊന്നും, ബാംഗ്ലൂരിലെ ഇൻഫോസിസ് ക്യാമ്പസ് ലോകത്തിലെ തന്നെ ഏറ്റവും വലിയ വിവര സാങ്കേതിക ക്യാമ്പസുകളിലൊന്നുമാണ്. Wikipedia