இன்ஃபோசிஸ் லிமிடெட் என்பது வணிக ஆலோசனை, தகவல் தொழில்நுட்பம் மற்றும் புறமூலாக்கமச் சேவைகளை வழங்கும் ஓர் இந்தியப் பன்னாட்டுத் தொழில்நுட்ப நிறுவனமாகும். புனேவில் நிறுவப்பட்ட இந்நிறுவனத்தின் தலைமையகம் கர்நாடகாவின் பெங்களூருவில் உள்ளது. ஆகஸ்ட் 24,2021-இல், இன்ஃபோசிஸ் நூறு கோடி அமெரிக்க .டாலர் சந்தை மூலதனத்தை அடைந்த நான்காவது இந்திய நிறுவனமாக மாறியது. 2024 ஆம் ஆண்டு நிலவரப்படி, வருவாய் மற்றும் சந்தை மூலதனத்தின் அடிப்படையில் இன்போசிஸ் இரண்டாவது பெரிய இந்தியத் தொழில்நுட்ப நிறுவனமாகும். அமெரிக்காவில் நுழைவாணை மற்றும் வரி மோசடி குற்றச்சாட்டுகள் மற்றும் செயலிழந்த அரசாங்க வலைத்தளங்களை உருவாக்கியதற்காகவும் இன்ஃபோசிஸ் சர்ச்சைகளைச் சந்தித்தது. இன்ஃபோசிஸ் 1981 சூலை 2 இல் புனேயில் என்.ஆர்.நாராயணமூர்த்தி மற்றும் ஆறு நபர்களாகிய; நந்தன் நிலெக்னி, என்.எஸ்.ராகவன், கிரிஸ் கோபாலகிருஷ்ணன், எஸ்.டி. சிபுலால், கே.தினேஷ் மற்றும் அசோக் அரோரா ஆகியோரால் நிறுவப்பெற்றது. இதன் ஆரம்ப மூலதனம் 250 .டாலர்கள் ஆகும். இது சூலை 2,1981 அன்று இன்ஃபோசிஸ் கன்சல்டன்ட்ஸ் பிரைவேட் லிமிடெட் என பதிவு செய்யப்பட்டது. 1983இல் இது கர்நாடகாவின் பெங்களூருக்கு மாற்றப்பட்டது. Wikipedia