ਰਿਲਾਇੰਸ ਇੰਡਸਟਰੀਜ਼ ਲਿਮਿਟੇਡ ਇੱਕ ਭਾਰਤੀ ਸੰਗਠਤ ਸੰਸਥਾ ਹੈ ਜਿਸਦਾ ਮੁੱਖ ਦਫ਼ਤਰ ਮੁੰਬਈ, ਮਹਾਰਾਸ਼ਟਰ, ਭਾਰਤ ਵਿਖੇ ਹੈ। ਰਿਲਾਇੰਸ ਪੂਰੇ ਭਾਰਤ ਵਿੱਚ ਊਰਜਾ, ਪੈਟਰੋ ਕੈਮੀਕਲਜ਼, ਟੈਕਸਟਾਈਲ, ਕੁਦਰਤੀ ਸਰੋਤ, ਪ੍ਰਚੂਨ ਅਤੇ ਦੂਰਸੰਚਾਰ ਨਾਲ ਜੁੜੇ ਕਾਰੋਬਾਰਾਂ ਦਾ ਮਾਲਕ ਹੈ। ਰਿਲਾਇੰਸ ਭਾਰਤ ਵਿਚ ਸਭ ਤੋਂ ਵੱਧ ਲਾਹੇਵੰਦ ਕੰਪਨੀਆਂ ਵਿੱਚੋਂ ਇੱਕ ਅਤੇ ਮਾਰਕੀਟ ਪੂੰਜੀਕਰਣ ਦੁਆਰਾ ਭਾਰਤ ਦੀ ਦੂਜੀ ਸਭ ਤੋਂ ਵੱਡੀ ਜਨਤਕ ਵਪਾਰਕ ਕੰਪਨੀ ਹੈ। ਰਿਲਾਇੰਸ ਮਾਲੀਏ ਦੇ ਰੂਪ ਵਿੱਚ ਇੰਡੀਅਨ ਆਇਲ ਕਾਰਪੋਰੇਸ਼ਨ ਤੋਂ ਬਾਅਦ ਭਾਰਤ ਦੀ ਦੂਜੀ ਸਭ ਤੋਂ ਵੱਡੀ ਆਇਲ ਕੰਪਨੀ ਹੈ। 18 ਅਕਤੂਬਰ 2007 ਨੂੰ, ਰਿਲਾਇੰਸ ਇੰਡਸਟਰੀ 100 ਬਿਲੀਅਨ ਡਾਲਰ ਦੀ ਮਾਰਕੀਟ ਪੂੰਜੀਕਰਣ ਨੂੰ ਤੋੜਨ ਵਾਲੀ ਪਹਿਲੀ ਭਾਰਤੀ ਕੰਪਨੀ ਬਣ ਗਈ ਸੀ। ਸਾਲ 2017 ਵਿੱਚ ਦੁਨੀਆ ਦੇ ਸਭ ਤੋਂ ਵੱਡੇ ਕਾਰਪੋਰੇਸ਼ਨਾਂ ਦੀ ਫਾਰਚੂਨ ਗਲੋਬਲ 500 ਦੀ ਸੂਚੀ 'ਤੇ ਕੰਪਨੀ ਨੂੰ 203 ਵੇਂ ਸਥਾਨ' ਤੇ ਰੱਖਿਆ ਗਿਆ ਹੈ। 2016 ਤੱਕ ਪਲੈਟਸ ਦੁਆਰਾ ਇਹ ਚੋਟੀ ਦੇ 250 ਗਲੋਬਲ ਊਰਜਾ ਕੰਪਨੀਆਂ ਵਿੱਚ ਅੱਠਵੇਂ ਸਥਾਨ 'ਤੇ ਹੈ। ਰਿਲਾਇੰਸ ਭਾਰਤ ਦਾ ਸਭ ਤੋਂ ਵੱਡਾ ਨਿਰਯਾਤਕ ਹੈ, ਜਿਸ ਦੀ ਕੀਮਤ 147,755 ਕਰੋੜ ਰੁਪਏ ਹੈ ਅਤੇ ੲਿਸਦੀ 108 ਦੇਸ਼ਾਂ ਦੀਅਾਂ ਮੰਡੀਆਂ ਤੱਕ ਪਹੁੰਚ ਹੈ। ਰਿਲਾਇੰਸ ਇੰਡਸਟਰੀਜ਼ ਤੋਂ ਭਾਰਤ ਦੀ ਕੁਲ ਆਮਦਨ ਦੀ ਤਕਰੀਬਨ 5% ਰਿਲੇਸ਼ਨ ਕਸਟਮਜ਼ ਅਤੇ ਐਕਸਾਈਜ਼ ਡਿਊਟੀ ੲਿਕੱਠਾ ਹੁੰਦਾ ਹੈ। ਇਹ ਭਾਰਤ ਦੇ ਪ੍ਰਾਈਵੇਟ ਸੈਕਟਰ ਵਿੱਚ ਸਭ ਤੋਂ ਵੱਧ ਆਮਦਨ ਟੈਕਸ ਦਾਤਾ ਹੈ। Wikipedia