മഹാരാഷ്ട്രയിലെ മുംബൈ ആസ്ഥാനമായുള്ള ഇന്ത്യാ ഗവൺമെന്റിന്റെ കെമിക്കൽസ് ആൻഡ് ഫെർട്ടിലൈസേഴ്സ് മന്ത്രാലയത്തിന്റെ ഉടമസ്ഥതയിലുള്ള ഓർഗാനിക് കെമിക്കൽ പ്രൊഡ്യൂസറാണ് "ഹിന്ദുസ്ഥാൻ ഓർഗാനിക് കെമിക്കൽസ് ലിമിറ്റഡ് ". അടിസ്ഥാന രാസവസ്തുക്കളുടെ നിർമ്മാണം സ്വദേശിവത്കരിക്കുന്നതിനും, സുപ്രധാന ഓർഗാനിക് രാസവസ്തുക്കളുടെ ഇറക്കുമതിയിൽ രാജ്യം ആശ്രയിക്കുന്നത് കുറയ്ക്കുന്നതിനുമായി 1960-ൽ ഇത് സ്ഥാപിതമായി. ഫിനോൾ, അസെറ്റോൺ, നൈട്രോബെൻസീൻ, അനിലിൻ, നൈട്രോടോള്യൂൻസ്, ക്ലോറോബെൻസീൻ, നൈട്രോ ക്ലോറോബെൻസീൻ എന്നിവയാണ് ഇതിന്റെ ഉൽപ്പന്നങ്ങൾ. അടിസ്ഥാന ഓർഗാനിക് രാസവസ്തുക്കളിൽ കീടനാശിനികളും, മരുന്നുകളും ഫാർമസ്യൂട്ടിക്കൽസും, ഡൈകളും, ഡൈസ്റ്റഫുകളും, പ്ലാസ്റ്റിക്, റെസിൻസ് & ലാമിനേറ്റ്, റബ്ബർ കെമിക്കൽസ്, പെയിന്റ്സ്, ടെക്സ്റ്റൈൽ ഓക്സിലറികൾ & എക്സ്പ്ലോസിവ് വസ്തുക്കൾ എന്നിവ ഉൾപ്പെടുന്നു. Wikipedia