'పెట్రోనెట్ ఎల్‌ఎన్‌జి లిమిటెడు అనేది ద్రవీకృత సహజ వాయువు ను దిగుమతి చేసుకోవడానికి, దేశంలో ఎల్‌ఎన్‌జి టెర్మినల్సు ఏర్పాటు చేయడానికి భారత ప్రభుత్వం ఏర్పాటు చేసిన ఒక భారతీయ చమురు, గ్యాసు కంపెనీ. ఇది గ్యాస్ అథారిటీ ఆఫ్ ఇండియా లిమిటెడ్, ఆయిల్ అండ్ నాచురల్ గ్యాస్ కార్పొరేషన్ లిమిటెడ్, ఇండియన్ ఆయిల్ కార్పొరేషన్ లిమిటెడు, భారత్ పెట్రోలియం కార్పొరేషను లిమిటెడు ప్రమోటు చేసిన జాయింటు వెంచరు కంపెనీ. భారత ఇంధన రంగంలోని కంపెనీలలో ఒకటైన పెట్రోనెటు ఎల్‌ఎన్‌జి లిమిటెడు, గుజరాత్‌లోని దహేజ్‌లో దేశంలో మొట్టమొదటి ఎల్‌ఎన్‌జి రిసీవింగు, రీగ్యాసిఫికేషను టెర్మినలు‌ను, కేరళలోని కొచ్చిలో మరొక కొచ్చి ఎల్‌ఎన్‌జి టెర్మినలును ఏర్పాటు చేసింది. దహేజు టెర్మినలు సంవత్సరానికి 17.5 మిలియన్ల టన్నులు నామమాత్రపు సామర్థ్యాన్ని కలిగి ఉండగా, కొచ్చి టెర్మినలు సంవత్సరానికి 5 మిలియన్ టన్నుల సామర్థ్యాన్ని కలిగి ఉంది. ఆంధ్రప్రదేశ్ లోని గంగవరం పోర్టు లో మూడవ ఎల్‌ఎన్‌జి టెర్మినలు నిర్మించే ప్రణాళికలను 2019 అక్టోబరు లో విరమించుకున్నారు. కంపెనీ గాజ్ డి ఫ్రాన్స్ పెట్రోనెట్‌ను తన వ్యూహాత్మక భాగస్వామిగా ఎంచుకుంది. భారతదేశానికి 8.5 ఎమ్‌టిపిఎ ఎల్‌ఎన్‌జి సరఫరా కోసం కంపెనీ కతారు ఎనర్జీ ఎల్‌ఎన్‌జితో ఎల్‌ఎన్‌జి అమ్మకం, కొనుగోలు ఒప్పందాల మీద సంతకం చేసింది. Wikipedia