Lifan ՝ խոշոր չինական մասնավոր ընկերություն, որը մասնագիտացած է մարդատար ավտոմեքենաների արտադրության մեջ։ Շտաբ-գրասենյակը գտնվում է Չունցին քաղաքում։ Ընկերությունը հովանավորում է Չունցին Լիֆան ֆուտբոլային ակումբը, որը հանդես է գալիս Չինաստանի Սուպերգավաթում։ Ի սկզբանե ընկերությունը կոչվում էր "Chongqing Hongda Auto Fittings Research Centre"-ը, հիմնադրվել է Ին Մինշենի կողմից 1992 թվականին։ Այն ի սկզբանե մասնագիտանում էր մոտոցիկլների վերանորոգման մեջ։ Lifan-ը արդեն դարձել էր մոտոցիկլ արտադրող մեծագույն ընկերություն, երբ նրանք սկսել են թողարկել ավտոբուսներ 2003 թվականին։ Դառնալով վերջին տասնմեկ տարիների ընթացքում մեծությամբ հինգերորդ ընկերությունը, 1997 թվականին ընկերությունը վերանվանվեց «Lifan Industry Group»: 2005 թվականին ընկերությունը սկսել է թողարկել ավտոմեքենաներ։ Առաջին թողարկումները եղել են մինիվեն LF6361-ը և պիկապ 1010-ը։ 2005 թվականի դեկտեմբերին մեկնարկել է Lifan 520/520i-ի արտադրությունը բրազիլիական Tritec շարժիչով։ Ներկայումս Lifan-ի մոդելային շարքը բաղկացած է փոքրածավալ 320-ից, կոմպակտ սեդանի և խետչբեկ 520/520i-ից, փոքր սեդան 620-ից և կոմպակտ քրոսովեր X60-ից։ Wikipedia