मोबाइल दूरसञ्चार कम्पनी साउदी अरब वा जयन साउदी अरब, एक साउदी संयुक्त पूँजी कम्पनी हो र साउदी अरबको तेस्रो मोबाइल सञ्जाल सञ्चालक वा दूरसञ्चार कम्पनी पनि हो। राज्यको लागि मोबाइल दूरसञ्चार गतिविधि सञ्चालन गर्ने उद्देशका साथ यसको स्थापना गरिएको थियो। लगातार ९ वर्षको घाटा पछि, जयनले यसको पहिलो लाभ सन् २०१७ को पहिलो त्रैमासिकको अन्त्यमा हासिल गर्न सफल भएको थियो जसमा यसले शुद्ध लाभ ४५ करोड रियल निकाल्न सफल भएको थियो। जयन साउदी अरबको तेस्रो मोबाइल सञ्जाल सञ्चालक हो। यसले आफ्नो सेवाको आधिकारिक रूपमा सञ्चालन २६ अगष्ट २००८ का दिन गरेको थियो। सुरुवातको ४ महिनामै कम्पनीले २० लाख ग्राहकहरू बनाइसकेको थियो। कम्पनीको प्रधान कार्यालय साउदी अरबको राजधानी रियादमा अवस्थित छ। सन् २०१६ को अन्त्यमा यसले लगभग एक अरब साउदी रियाल घाटा व्यहोर्नुपरेको थियो। यसको स्थापना पछि कूल सञ्चित घाटा १६ अरब रियाल अनुमान गरिएको थियो। जयनले साउदी अरबमा २५ वर्षको सम्झौता पत्रमा हस्ताक्षर गरेको थियो वा यसले साउदी अरब सरकारबाट सञ्चालन अनुमति पत्र प्राप्त गरेको थियो। Wikipedia