Ang Nintendo Co., Ltd. ay isang multinasyunal na kompanya mula sa bansang Hapon na gumagawa ng mga elektronikang pangkonsyumer at larong bidyo. Nasa Kyoto ang kanilang punong himpilan habang nakahimpil naman ang kanilang internasyunal na mga sangay na Nintendo of America sa Redmond, Washington, Estados Unidos at Nintendo of Europe sa Frankfurt, Alemanya. Isa ang Nintendo sa pinakamalaking kompanyang pang-larong bidyo sa mundo ayon sa kapitalisasyon sa merkado, na nakalikha sa ilang mga pinakakilala at pinakamabentang prangkisang pang-larong bidyo, tulad ng Mario, The Legend of Zelda, Animal Crossing, at Pokémon. Itinatag ang Nintendo ni Fusajiro Yamauchi noong 23 September 1889 at orihinal na gumagawa ng mga yaring-kamay na hanafuda na baraha. Noong 1963, sumubok ang kompanya ng ilang maliit na inaankop na mga negosyo, tulad ng mga serbisyong taksi at otel na walang malaking tagumpay. Iniwan ang mga nakaraang pakikipagsapalaran kapalit ng pamumuhunan sa mga laruan noong dekada 1960, lumago ang Nintendo bilang isang kompanyang larong bidyo noong dekada 1970. Wikipedia