Akamai Technologies, վեբ-կայքեր արագացնող ծառայությունների մատակարար, ծրագրերի և հավելվածների համար նախատեսված հարթակների մատակարար։ Օգտագործում է 210 000 աշխարհագրորեն բաշխված սերվերներ, տվյալ ապրանքը կամ ծառայությունը հասցեատիրոջը ավելի արագ հասցնելու համար։ CDN-սերվերները Akamai-ին օգնում են ամենաշատ այցելու ունեցող կայքերում վերահսկել մարդկանց հոսքը, քեշավորել դրանց բովանդակությունը և տեղեկատվական հոսքերի գլոբալ ցանցում դրանք վերաբաշխել։ CDN-սերվերները նաև օգտագործվում են DoS-հարձակումների հայտնաբերման համար։ Ակամայը հիմնադրվել է 1998 թվականին Մասաչուսեթսի տեխնոլոգիական համալսարանի ուսանող՝ Դանիել Լևինի և նույն համալսարանի մաթեմատիկայի պրոֆեսոր Թոմսոն Լեյթոնի կողմից։ Լևինը զոհվել է American Airlines ինքնաթիռում 2001 թվականի սեպտեմբերի 11-ի ահաբեկչության ժամանակ։ Ընկերության գնորդներն են՝ Adobe, Էփլ, AMD, Amazon.com, Autodesk, BBC, BenQ, Blizzard, CNET, Եվրոպական տիեզերական գործակալություն, IBM, Ֆեյսբուք, GitHub, L’Oréal, Մայքրոսոֆթ, MySpace, ՆԱՍԱ, Նինթենդո, Nvidia, PC World, Սոնի, Symantec, Red Hat, Ռոյթերս, Siemens, RingCentral, Յահու, BuzzFeed: Ակամայի առավել խոշոր մրցակիցներն են, Limelight Networks-ը և CDNetworks-ը։ Wikipedia