ಅಪೋಲೋ ಆಸ್ಪತ್ರೆಗಳು ಭಾರತ ಮೂಲದ ಬಹುರಾಷ್ಟ್ರೀಯ ಖಾಸಗಿ ಆರೋಗ್ಯ ಸಂಸ್ಥೆಗಳ ಸಮೂಹವಾಗಿದೆ. ಇದು ಭಾರತದಲ್ಲಿನ ಅತಿದೊಡ್ಡ ಖಾಸಗಿ ಆಸ್ಪತ್ರೆ ಜಾಲವಾಗಿದ್ದು, ೭೩ ಸ್ವಂತ ಮತ್ತು ನಿರ್ವಹಿಸುವ ಆಸ್ಪತ್ರೆಗಳ ಜಾಲವನ್ನು ಹೊಂದಿದೆ. ಆಸ್ಪತ್ರೆಗಳ ಜಾಲ ಮಾತ್ರವಲ್ಲದೆ, ಅಪೋಲೋ ಫಾರ್ಮಸಿ ಹೆಸರಿನ ಔಷಧದ ಅಂಗಡಿಗಳು, ಪ್ರಾಥಮಿಕ ಆರೈಕೆ ಮತ್ತು ರೋಗನಿರ್ಣಯ ಕೇಂದ್ರಗಳು, ಟೆಲಿಮೆಡಿಸಿನ್ ಮತ್ತು ಡಿಜಿಟಲ್ ಆರೋಗ್ಯ ಸೇವೆಗಳನ್ನು ಸಹ ಅಪೋಲೊ ಸಮೂಹವು ನಿರ್ವಹಿಸುತ್ತದೆ. ಭಾರತದಲ್ಲಿ ಮೊದಲ ಬಾರಿಗೆ ಕಾರ್ಪೋರೇಟ್ ಶೈಲಿಯ ಆರೋಗ್ಯ ಸೇವೆಯನ್ನು ಒದಗಿಸುವ ಸಂಸ್ಥೆಯಾಗಿ ಅಪೋಲೋ ಸಮೂಹವನ್ನು ಗುರುತಿಸಲಾಗುತ್ತದೆ. ಭಾರತದಲ್ಲಿ ಮೊತ್ತಮೊದಲ ಬಾರಿಗೆ ಟೆಲಿಮೆಡಿಸಿನ್ ಸೌಲಭ್ಯವನ್ನು ಪರಿಚಯಿಸಿದ ಕೀರ್ತಿ ಈ ಆಸ್ಪತ್ರೆ ಸಮೂಹಕ್ಕೆ ಸಲ್ಲುತ್ತದೆ. ಅಪೋಲೋ ಆಸ್ಪತ್ರೆಗಳ ಜಾಲವನ್ನು ಡಾ. ಪ್ರತಾಪ್ ಸಿ. ರೆಡ್ಡಿ ಅವರು ೧೯೮೩ರಲ್ಲಿ ಸ್ಥಾಪಿಸಿದರು. ಮೊದಲ ಆಸ್ಪತ್ರೆಯನ್ನು ಪ್ರತಾಪ್ ಅವರು ಮದರಾಸ್ನಲ್ಲಿ ಸ್ಥಾಪಿಸಿದರು. Wikipedia