अशोक लेलँड ही एक भारतीय ऑटोमोबाईल कंपनी आहे. त्याचे मुख्यालय चेन्नई येथे आहे. ही कंपनी हिंदुजा समूहाच्या मालकीचे आहे. स.न. १९४८ मध्ये स्थापन झालेली, ही भारतातील दुसऱ्या क्रमांकाची व्यावसायिक वाहन उत्पादक आहे. जगाभरातील बस उत्पादकांमधील चौथ्या क्रमांकाची आणि ट्रक उत्पादकांमधील जगातली दहाव्या क्रमांकाची कंपनी आहे. या कंपनीचे नऊ प्लांट्स आहेत. ही कंपनी औद्योगिक व सागरी अनुप्रयोगांसाठी सुटे भाग व इंजिन बनवते. वित्तीय वर्ष २०१६ मध्ये त्याने अंदाजे १, ४०, ००० वाहने विकली. मध्यम व अवजड व्यावसायिक वाहन विभागातील ही भारतातील दुसऱ्या क्रमांकाची व्यावसायिक वाहन कंपनी आहे. हिचा आर्थिक वर्ष २०१६ मध्ये बाजारातील हिस्सा ३२.१% होता. १० सीटर ते ७४ सीटर पर्यंतच्या प्रवासी वाहतुकीच्या पर्यायांसह अशोक लेलँड हे बस बाजारपेठेतील अग्रणी आहेत. ट्रक विभागात अशोक लेलँड प्रामुख्याने १६ ते २५ टनाच्या श्रेणीवर लक्ष केंद्रित करतो. तथापि, संपूर्ण ट्रक श्रेणीमध्ये अशोक लेलँडची उपस्थिती ७.५ ते ४९ टनापर्यंत आहे. Wikipedia