«Բյուրո Վերիտասը», թեստավորման, տեսչական ստուգման և հավաստագրման հարցերով զբաղվող ֆրանսիական համաշխարհային կազմակերպություն է, որը հիմնադրվել է 1828 թվականին։ Ընկերության գործունեության ոլորտներ են՝ շինարարություն և ենթակառուցվածքներ, գյուղատնտեսական և պարենային ապրանքներ, արդյունաբերություն, սերտիֆիկացում, ծովային և սպառողական ապրանքներ:Ընկերությունը ներկայացված է 140 երկրներում՝ ավելի քան 1.500 գրասենյակներով ու լաբորատորիաներով ու ավելի քան 78.000 աշխատակիցներով։ «Բյուրո Վերիտաս»-ը 2021 թվականին ունեցել է 4,8 միլիարդ եվրո եկամուտ։ Դիդյե Միշո-Դանիելը «Բյուրո Վերիտաս»-ի գործադիր տնօրենն է 2012 թվականի մարտից։ 2022 թվականի փետրվարի 24-ին «Բյուրո Վերիտաս»-ը հայտարարեց Հինդա Ղարբիին որպես գլխավոր տնօրեն նշանակելու մասին՝ ծրագրելով նրան նշանակել ընկերության հաջորդ գործադիր տնօրեն։ «Բյուրո Վերիտասի» առաջարկած ծառայություններն ու լուծումներն օգնում են պատվիրատուներին համապատասխանեցնել իրենց ապրանքների և ծառայությունների չափանիշները անընդհատ աճող որակի համաշխարհային չափանիշների պահանջներին ։ Wikipedia