സിംഗപ്പൂറിലെ ചാംഗി വിമാനത്താവളം ഹബ് ആയുള്ള സിംഗപ്പൂരിന്റെ ഫ്ലാഗ് കാരിയർ എയർലൈനാണ് സിംഗപ്പൂർ എയർലൈൻസ്. ലോകത്തിലെ ഏറ്റവും മികച്ച എയർലൈൻ ആയി സ്കൈട്രാക്സ് ഇതിനെ നാലു തവണ റാങ്ക് ചെയ്തിരുന്നു. ട്രാവെൽ & ലെയ്ഷർ മാസിക 20 വർഷത്തിലുമധികം ലോകത്തിലെ മികച്ച എയർലൈൻ ആയി തിരഞ്ഞെടുത്തത് സിംഗപ്പൂർ എയർലൈൻസിനെ ആണ്. സിംഗപ്പൂർ എയർലൈൻസിൽ വിമാനസർവ്വീസുമായി ബന്ധപ്പെട്ട നിരവധി അനുബന്ധ സ്ഥാപനങ്ങൾ ഉൾപ്പെടുന്നു. ബോയിംഗ്, റോൾസ് റോയ്‌സ് എന്നിവയുൾപ്പെടെ 27 സംയുക്ത സംരംഭങ്ങളുടെ സഹകരണത്തിൽ, എസ്‌ഐ‌എ എഞ്ചിനീയറിംഗ് കമ്പനി ഒൻപത് രാജ്യങ്ങളിലായി വിമാന അറ്റകുറ്റപ്പണി, വിമാനം നന്നാക്കൽ, ഓവർഹോൾ ബിസിനസ്സ് എന്നിവ കൈകാര്യം ചെയ്യുന്നുണ്ട്. സിംഗപ്പൂർ എയർലൈൻസ് കാർഗോ എസ്‌ഐ‌എയുടെ ചരക്ക് വിമാനങ്ങളെ പ്രവർത്തിപ്പിക്കുകയും എസ്‌ഐ‌എയുടെ പാസഞ്ചർ വിമാനത്തിലെ ചരക്ക് കടത്താനുള്ള ശേഷി കൈകാര്യം ചെയ്യുകയും ചെയ്യുന്നു. ഇതിന് രണ്ട് അനുബന്ധ സ്ഥാപനങ്ങളുണ്ട്: സിൽക്ക് എയർ ദ്വിതീയ നഗരങ്ങളിലേക്ക് പ്രാദേശിക വിമാന സർവീസുകൾ നടത്തുകയും, അതേസമയം സ്കൂട്ട് കുറഞ്ഞ നിരക്കിൽ കാരിയറായി പ്രവർത്തിക്കുകയും ചെയ്യുന്നു. ലോകത്തിലെ ഏറ്റവും വലിയ പാസഞ്ചർ വിമാനമായ എയർബസ് എ 380, കൂടാതെ ബോയിംഗ് 787-10, എയർബസ് എ 350-900ന്റെ അൾട്രാ ലോംഗ് റേഞ്ച് പതിപ്പ് എന്നിവയുടെ ആദ്യ ഉപഭോക്താവ് സിംഗപ്പൂർ എയർലൈൻസായിരുന്നു. Wikipedia