ജപ്പാൻ ആസ്ഥാനമാക്കി പ്രവർത്തിക്കുന്ന ഒരു ബഹുരാഷ്ട്ര കോർപ്പറേഷനാണ് കാനൺ. ഛായാഗ്രഹണ, വീക്ഷണാനുബന്ധ ഉപകരണങ്ങളുടെ നിർമ്മാണമാണ് ഇതിന്റെ പ്രവർത്തന മേഖല. ഛായാഗ്രാഹി, പ്രിന്റർ, സ്കാനർ, ബൈനോക്കുലർ, കാൽക്കുലേറ്റർ ലെൻസുകൾ, ക്യാമറകൾ, മെഡിക്കൽ ഉപകരണങ്ങൾ, അർദ്ധചാലക നിർമ്മാണ ഉപകരണങ്ങൾ തുടങ്ങിയ ഒപ്റ്റിക്കൽ, ഇമേജിംഗ്, വ്യാവസായിക ഉൽപ്പന്നങ്ങൾ എന്നിവയുടെ നിർമ്മാണം ഇതിലുൾപ്പെടുന്നു. 1937 ഓഗസ്റ്റ് 10-നാണ് ഇത് സ്ഥാപിതമായത്. ജപ്പാനിലെ ടോക്ക്യോയിലെ ഒട്ടായിലാണ് ഇതിന്റെ കേന്ദ്ര കാര്യാലയം പ്രവർത്തിക്കുന്നത്. ടോക്കിയോ സ്റ്റോക്ക് എക്‌സ്‌ചേഞ്ചിൽ കാനണിന് ഒരു പ്രൈമറി ലിസ്റ്റിംഗിൽ ഉണ്ട്, മാത്രമല്ല ടോപിക്സ് കോർ30, നിക്കേയ് 225 സൂചികകളുടെ ഭാഗമാണ്. ന്യൂയോർക്ക് സ്റ്റോക്ക് എക്സ്ചേഞ്ചിൽ സെക്കണ്ടറി ലിസ്റ്റിംഗിൽ ഉൾപ്പെട്ടിട്ടുണ്ട്. Wikipedia