ഉപഭോക്തൃ അനുഭവ മാനേജുമെന്റ് പ്ലാറ്റ്ഫോം വികസിപ്പിക്കുന്ന ഒരു സ്വകാര്യ സോഫ്റ്റ്വെയർ കമ്പനിയാണ് സ്പ്രിങ്ക്ലർ. ന്യൂയോർക്ക് ആണ് ഇതിന്റെ ആസ്ഥാനം. സോഷ്യൽ മീഡിയ മാർക്കറ്റിംഗ്, സോഷ്യൽ അഡ്വർടൈസിംഗ്, കണ്ടന്റ് മാനേജുമെന്റ്, സഹകരണം, ജീവനക്കാരുടെ ആവശ്യങ്ങൾ, ഉപഭോക്തൃ പരിപാലനം, സോഷ്യൽ മീഡിയ ഗവേഷണം, സോഷ്യൽ മീഡിയ നിരീക്ഷണം എന്നിവയ്ക്കായി കൃത്രിമബുദ്ധി തുടങ്ങിയ വ്യത്യസ്ത ആപ്ലിക്കേഷനുകൾ ഉപയോഗിച്ചു കൊണ്ട് സ്പിങ്ക്ളർ എന്ന പേരിലുള്ള ഒരു സോഫ്റ്റുവെയറാണ് ഇവർ ഉപയോഗിക്കുന്നത്. ടെക്നോളജി എക്സിക്യൂട്ടീവ് റാഗി തോമസാണ് 2009 ൽ സ്പ്രിങ്ക്ലർ സ്ഥാപിച്ചത്. 2016 ജൂലൈ ആയപ്പോഴേക്കും 1.8 ബില്യൺ ഡോളർ വിലമതിക്കുകയും യൂണികോൺ പദവി കിട്ടുകയും ചെയ്തു. 2020 ൽ, കോവിഡ് ആപ്ലിക്കേഷനുമായി ബന്ധപ്പെട്ട് കേരള സർക്കാരുമായുള്ള കരാർ സംബന്ധിച്ച് കമ്പനി വിവാദത്തിലായി. ഡാറ്റയുമായി ബന്ധപ്പെട്ട സ്വകാര്യതയായിരുന്നു വിവാദവിഷയം. Wikipedia