ഒരു അമേരിക്കൻ മൾട്ടിനാഷണൽ വാഹന നിർമാതാക്കളാണ് ഫോർഡ് മോട്ടോർ കമ്പനി. ഇതിന്റെ പ്രധാന ആസ്ഥാനം ഡെട്രോയിറ്റിന്റെ പ്രാന്തപ്രദേശമായ മിഷിഗണിലെ ഡിയർ‌ബോൺ ആണ്. ഹെൻ‌റി ഫോർഡ് സ്ഥാപിച്ച ഇത് 1903 ജൂൺ 16 ന് ഫോർഡ് മോട്ടോർ കമ്പനി ആരംഭിച്ചത്. ഫോർഡ് ബ്രാൻഡിന് കീഴിൽ വാണിജ്യ വാഹനങ്ങളും ലിങ്കൺ ബ്രാൻഡിന് കീഴിൽ മിക്ക ആഡംബര കാറുകളും കമ്പനി വിൽക്കുന്നു. യു.കെയിലെ ആസ്റ്റൺ മാർട്ടിന്റെ 8% ഓഹരിയും ജിയാങ്‌ലിംഗ് മോട്ടോർസിന്റെ 32% ഓഹരിയും ബ്രസീലിയൻ എസ്‌യുവി നിർമാതാക്കളായ ട്രോളറിനെയും ഫോർഡ് സ്വന്തമാക്കിയിട്ടുണ്ട്. ചൈന, തായ്‌വാൻ, തായ്ലൻഡ്, തുർക്കി, റഷ്യ എന്നിവിടങ്ങളിലും ഫോർഡിന് സംയുക്ത സംരംഭങ്ങളുണ്ട്. സ്വന്തമായി വികസിപ്പിച്ചെടുത്ത എഞ്ചിനീയറിംഗ് നിർമ്മാണ രീതികൾ ഉപയോഗിച്ച് വലിയ തോതിലുള്ള കാറുകളുടെ നിർമ്മാണത്തിന് ഫോർഡിന് കഴിഞ്ഞു. 1914 ആയപ്പോഴേക്കും ഈ രീതികൾ ലോകമെമ്പാടും ഫോർഡിസം എന്നറിയപ്പെട്ടു. ഫോർഡിന്റെ മുൻ യുകെ അനുബന്ധ സ്ഥാപനങ്ങളായ ജാഗ്വാർ, ലാൻഡ് റോവർ ടാറ്റ മോട്ടോർസിന് വിറ്റു. 1999 മുതൽ 2010 വരെയുള്ള കാലത്ത് സ്വീഡിഷ് വാഹന നിർമാതാക്കളായ വോൾവോയുടെ ഉടമസ്ഥത ഫോർഡ് സ്വന്തമാക്കി. യുഎസ് ആസ്ഥാനമായുള്ള രണ്ടാമത്തെ വലിയ വാഹന നിർമാതാക്കളാണ് ഫോർഡ്, ലോകത്തിലെ അഞ്ചാമത്തെ വലിയ വാഹനനിർമ്മാണ കമ്പനിയാണ്. Wikipedia