આઇટીસી લિમિટેડ BSE: 500875 ભારતના મહાનગર કલકત્તામાં વડું મથક ધરાવતું એક સાર્વજનિક સંગઠન છે. આ સંગઠનનો વાર્ષિક વેપાર 6 અબજ રૂપિયા છે જ્યારે બજારમાં મૂડીરોકાણ 22 અબજ રૂપિયા કરતા પણ વધારે છે. આ સંગઠનની પંજીકૃત કચેરી કલકત્તામાં છે. મૂળ બ્રિટનની ઇમ્પિરીયલ ટોબેકો નામના સંગઠનમાંથી ભારતમાં ઇમ્પિરીયલ ટોબેકો કંપનીની શરૂઆત કરવામાં આવી હતી, પણ 1970માં એને ઇન્ડિયન ટોબેકો કંપનીમાં અને પછી 1974માં આઇ.ટી.સી. લિમિટેડમાં તબદિલ કરવામાં આવી હતી. હાલનાં તબક્કે આ સંગઠન સંપૂર્ણપણે સ્વતંત્ર છે. આઇટીસી લિમિટેડમાં અત્યારે પ્રમુખ તરીકે યોગેશ ચંદર દેવેશ્વર કાર્યરત છે. ફોર્બસ 2000માં સ્થાન મેળવી શકેલા આ પ્રતિષ્ઠિત સંગઠનમાં અત્યારે ભારતના અલગઅલગ 60 કરતા વધારે સ્થળે 26,000 કરતા વધારે વ્યક્તિઓ કાર્યરત છે. 24 ઓગસ્ટ, 2010ના દિવસે આઇટીસી લિમિટેડે પોતાના કાર્યકાળના સો વર્ષ સફળતાપૂર્વક પુરા કર્યા છે. Wikipedia