మారుతి సుజుకి ఇండియా భారతదేశంలో కారులను రూపొందించే ఒక సంస్థ. దక్షిణ ఆసియాలో కారులను రూపొందించే సంస్థలలో ఇదే అతి పెద్దది. జపాన్ దేశపు సుజుకి మోటార్ కార్పొరేషన్ ఈ సంస్థలో అత్యధిక వాటాలు గలది. ఒక మిలియను కార్లని ఒకేసారి రూపొందించే సంస్థలలో ఇదే ఆద్యం. భారతదేశంలో ఆటోమోటివ్ విప్లవానికి ఇది నాంది పలికినది. 17 సెప్టెంబరు 2007న మారుతి ఉద్యోగ్ లిమిటెడ్ మారుతి సుజుకి ఇండియా లిమిటెడ్ గా మార్చారు. కెనిచి అయుకవా పదవీ కాలం 2022 మార్చి 31తో ముగియనున్న నేపథ్యంలో కొత్త ఎండీ, సీఈవోగా హిసాషి టకూచిని నియమించింది కంపనీ. 2022 ఏప్రిల్ 1 నుంచి ఈ నియామకం అమల్లోకి వస్తుంది. కంపెనీ కార్యకలాపాలు సజావుగా సాగేందుకు ఇకపై కెనిచి అయుకవా పూర్తికాల డైరెక్టరుగా కొనసాగుతారు. Wikipedia