మేక్‌మైట్రిప్ భారతదేశానికి చెందిన ఆన్‌లైన్ ట్రావెల్ కంపెనీ. ఇది 2000 సంవత్సరంలో ప్రారంభమైంది. దీని ప్రధాన కార్యాలయం గురుగ్రామ్, హర్యానాలో ఉంది. ఈ సంస్థ ఆన్‌లైన్ లో విమాన టికెట్లు, రైలు, బస్ టికెట్లు, హోటల్ రిజర్వేషన్ సేవలు అందిస్తుంది. జూన్ 2023 నాటికి ఈ సంస్థ సుమారు 100 నగరాల్లో 146 ఫ్రాంచైజీలు కలిగి ఉంది. దీనికి న్యూయార్క్, సింగపూర్, కౌలాలంపూర్, ఫుకెట్, బ్యాంకాక్, దుబాయ్, ఇస్తాంబుల్ లో కూడా కార్యాలయాలున్నాయి. సెప్టెంబరు 2019 లో చైనాలో అతిపెద్ద ట్రావెల్ ఏజెన్సీ అయిన ట్రిప్.కాం గ్రూపు, నాస్పర్స్ తో కలిసి ఈ సంస్థలో అత్యధిక వాటాను చేజిక్కించుకుంది. 2016 లో ఈ సంస్థ ఐబిబో గ్రూప్ ను కొనుగోలు చేసింది. ఐబిబో గ్రూప్ గోఐబిబో, రెడ్‌బస్ ను నిర్వహిస్తుంది. Wikipedia