နိုကီယာသည် ၁၄ နှစ်ခန့် ကမ္ဘာ့ ဖုန်းထုတ်လုပ် ရောင်းချမှုအများဆုံးအဖြစ် ဗိုလ်စွဲခဲ့သည့် ကုမ္ပဏီဖြစ်ပြီး၊ ဖင်လန်နိုင်ငံ၏ အဓိက ဝင်ငွေစီးပွားရေး ကုမ္ပဏီတစ်ခုဖြစ်သည်။ အထူးဖုန်း အမျိုးအစားတွင် ပြိုင်ဘက် ကုမ္ပဏီများနှင့် အရောင်းဈေးကွက်တွင် ခက်ခက်ခဲခဲ တိုက်ပွဲဝင်နေရဆဲဖြစ်သည်။ ရိုက်တာ သတင်းဌာန မှ မဲကောက်ယူချက်အရ စမ်းဆောင်း မှ ဇန်နဝါရီ လမှ မတ်လအတွင်း ဖုန်းပေါင်း ၈၈ သန်းရောင်းနိုင်မည်ဖြစ်ပြီး၊ နိုကီယာမှ ၈၃ သန်းသာ ရောင်းနိုင်မည်ဟု ကောက်နှုတ်ချခဲ့သည်။ ၁၁ ရက် ဖေဘဝါရီ ၂၀၁၁ ခုနှစ်တွင် နိုကီယာမှ မိုက္ကရိုဆော့ဖ် နှင့် ပူးပေါင်းလုပ်ကိုင်ရန် ကြေညာခဲ့သည်။ ထုတ်လုပ်မည့် အထူးဖုန်းများတွင် မိုက္ကရိုဆော့ဖ် ဝင်းဒိုးဖုန်း အပျော့ထည်များကို အသုံးပြုထည့်သွင်းသွားမည်ဟုဆိုသည်။ ၂၆ အောက်တိုဘာ ၂၀၁၁တွင် နိုကီယာမှ ပထမဦးဆုံး ဝင်းဒိုးဖုန်း လက်ကိုင်ဖုန်းများကို ဈေးကွက်တင်ခဲ့သည်၊ ဝင်းဒိုးဖုန်း ၇.၅ အသုံးပြုသည့် နိုကီယာ လူမီယာ ၇၁၀ နှင့် လူမီယာ ၈၀၀ တို့ဖြစ်သည်။ Wikipedia