நோவார்ட்டீசு இன்டர்நேசனல் ஏஜி சுவிட்சர்லாந்தின் பேசெல் நகரைத் தலைமையகமாகக் கொண்ட ஓர் பன்னாட்டு மருந்து தயாரிப்பு நிறுவனம் ஆகும். $46.806 பில்லியன் ஆண்டு வருமானமுள்ள இந்நிறுவனம் 2010ஆம் ஆண்டில் உலகின் மருந்து தயாரிப்பு நிறுவனங்களில் இரண்டாவது நிலையில் இருந்தது. நோவார்ட்டீசு கிளோசபைன், டைக்ளோஃபீனாக், கார்பமசெபைன், வல்சார்ட்டன் மற்றும் இமாடினிப் மெசைலேட் போன்ற மருந்துகளைத் தயாரிக்கிறது. கூடுதலாக சைக்ளோசுபோரின், லெட்ரோசோல், மிதைல்பெனிடேட், டெர்பினபைன், மற்றும் பிற மருந்துகளையும் தயாரிக்கிறது. பெரியளவில் வர்க்க மருந்துகளை தயாரித்து வந்த சாண்டோசு என்ற நிறுவனத்தை சிபா-கெய்கி கையகப்படுத்தி ஒருங்கிணைத்து நோவார்ட்டீசு எனப் பெயரிட்டது. இந்தநிறுவனம் மழலையர் மற்றும் குழந்தைகள் உணவு பொருட்கள் தயாரித்து வந்த கெர்பர் நிறுவனத்திற்கு உரிமையானதாக இருந்தது. செப்டம்பர் 1, 2007இல் இதனை நெஸ்லே நிறுவனம் வாங்கியது.நோவார்ட்டீசு ஐரோப்பிய மருந்து தயாரிப்பு தொழில் மற்றும் சங்கங்களின் கூட்டமைப்பிலும் பன்னாட்டு மருந்து தயாரிப்பாளர்கள் மற்றும் சங்கங்களின் கூட்டமைப்பிலும் முழுமையான அங்கத்துவம் பெற்றுள்ளது. Wikipedia