ఒరాకిల్ ప్రపంచ ప్రసిద్ధి గాంచిన ఒక సాఫ్టువేర్ సంస్థ. దీన్ని 1977 లో స్థాపించారు. ప్రస్తుతం ప్రపంచం మొత్తం మీద సుమారు 145 దేశాలలో కార్యాలయాలు కలిగి ఉంది. 2005 గణాంకాల ప్రకారం ఇది ప్రపంచ వ్యాప్తంగా 50000 మంది ఉద్యోగస్తులను కలిగిఉంది. ప్రపంచంలో రెండవ అతిపెద్ద సాఫ్టువేరు సంస్థ. 2019 గణాంకాల ప్రకారం ఇది ఆదాయం, మార్కెట్ క్యాపిటలైజేషన్ పరంగా ప్రపంచంలో రెండవ అతిపెద్ద సంస్థ. లారెన్స్ జె ఎల్లిసన్ సంస్థ స్థాపించినప్పటినుంచీ ప్రధాన కార్యనిర్వహణాధికారిగా ఉన్నాడు. 2004లో జెఫ్రీ ఓ హెన్లీని ఆయన స్థానంలో నియమించేవరకూ అధ్యక్షుడిగా నియమించేంతవరకూ ఎల్లిసన్ బోర్డు అధ్యక్షుడిగా ఉన్నాడు. దీని ప్రకారం ఎల్లిసన్ సీఈవో పదవిలో కొనసాగుతాడు. ఫోర్బ్స్ పత్రిక ఒకసారి ఎల్లిసన్ ను ప్రపంచ ధనికుల్లో ప్రథముడిగా అంచనా వేసింది. ఈ సంస్థ ముఖ్యంగా డేటాబేస్ అభివృద్ధికి సంబంధించిన సాఫ్ట్‌వేర్, మిడిల్ టియర్ సాఫ్ట్‌వేర్, ఎంటర్ ప్రైజ్ రిసోర్స్ ప్లానింగ్ సాఫ్ట్‌వేర్, హ్యూమన్ క్యాపిటల్ మేనేజ్మెంట్ సాఫ్ట్‌వేర్, కస్టమర్ రిలేషన్ షిప్ మేనేజ్మెంట్ సాఫ్ట్‌వేర్, సప్లై చెయిన్ మేనేజ్మెంట్ సాఫ్ట్‌వేర్ తయారు చేస్తుంది. Wikipedia