Պեգասուս ավիաուղիներ, թուրքական բյուջետային ավիաընկերություն, որի կենտրոնական գրասենյակը գտնվում է Ստամբուլում։ Իրականացնում է մշտական և չարթերային թռիչքներ Եվրոպայում և Թուրքիայում։ IZair ավիաընկերությունը իր բոլոր թռիչքները իրականացնում է Pegasus Airlines-ի անունից։ Հիմնադրվել է 1989 թ-ին։ Պեգասուսի չվերթների ցանցը բաղկացած է 22 երկրներում գործող շուրջ 49 թռիչքուղիներից, որոնցից 19-ը՝ ներթուրքական և 30-ը՝ միջազգային։ Պեգասուսի նավատորմը ամենաերիտասարդն է Թուրքիայում։ Պեգասուսի օդային նավատորմում առկա են 94 ինքնաթիռներ՝ 33 Բոինգ Բ737 - 800, 42 Էյրբաս Ա320 - 200neo, 12 Ա320-200ceo, 7 Էյրբաս Ա321-200neo: Պեգասուս Ավիաուղիների թոփ ներթուրքական թռիչքների ուղղություններն են՝ Հաթայ, Ալանիա, Ուրֆա, Տրապիզոն, Գազիանթեփ, Դալաման, Բոդրում, Անթալիա, Իզմիր, Կայսերի։ Պեգասուսը ակտիվորեն ուղևորափոխադրումներ է իրականացնում նաև հետևյալ միջազային երթուղիներով՝ Սկոպյե, Պրահա, Բուդապեշտ, Շարմ Էլ Շեյխ, Հուրգադա, Բարսելոնա, Թել Ավիվ, Բուխարեստ, Դուբայ, Բեյրութ։ Տեղեկատվական անվտանգությունը, ծառայությունների որակը, շրջակա միջավայրի պաշտպանությունը, ուղևորների առողջությունը և անվտանգության ապահովման այլ միջոցառումները այն հիմնական չափորոշիչներն են, որոնցով առաջնորդվում է Պեգասուսը։ Wikipedia