മോട്ടോർ സൈക്കിളുകൾ, സ്നോ‌മൊബൈലുകൾ‌, എ‌ടി‌വി, ഇലക്ട്രിക് വാഹനങ്ങൾ‌ എന്നിവ നിർമ്മിക്കുന്ന അമേരിക്കൻ വാഹന നിർമ്മാണ കമ്പനിയാണ് പോളാരിസ് ഇൻഡസ്ട്രീസ്. അമേരിക്കയിലെ മിനസോട്ടയിലെ റോസൗവിലാണ് പോളാരിസ് സ്ഥാപിതമായത്. അവിടെ ഇപ്പോഴും എഞ്ചിനീയറിംഗ് വിഭാഗവും നിർമ്മാണയൂണിറ്റുമുണ്ട്. കമ്പനിയുടെ കോർപ്പറേറ്റ് ആസ്ഥാനം മിനസോട്ടയിലെ മദീനയിലാണ്. 1954 ൽ ആണ് പോളാരിസ് ഇൻഡസ്ട്രീസിന് തുടക്കമാകുന്നത്. കമ്പനി 2017 ജനുവരി വരെ വിക്ടറി മോട്ടോർസൈക്കിൾസ് എന്ന തങ്ങളുടെ സബ്സിഡിയറി വഴി മോട്ടോർസൈക്കിളുകൾ നിർമ്മിച്ചു, നിലവിൽ ഇന്ത്യൻ മോട്ടോർസൈക്കിൾ സബ്സിഡിയറി വഴി മോട്ടോർസൈക്കിളുകൾ നിർമ്മിക്കുന്നു. 1994-2004 കാലഘട്ടത്തിൽ പോളാരിസ് വ്യക്തിഗത വാട്ടർക്രാഫ്റ്റ് നിർമ്മിച്ചു. Wikipedia