டாக்டர் ரெட்டீசு லாபரேட்டரி வரையறுக்கப்பட்டது, ஒருங்கிணைந்த முறையில் மருந்துத் தயாரிக்கும் ஓர் நிறுவனம் ஆகும். இது தனது தயாரிப்பை மூன்று வணிகப் பிரிவுகளால் குவியப்படுத்துகிறது: இவை உலகளாவிய பண்புசார் பிரிவு, மருந்துச் சேவை மற்றும் இயக்கத்திலுள்ள உட்பொருட்கள் பிரிவு, உரிமையுடை பொருட்கள் பிரிவு ஆகும். முன்னதாக ஐதராபாத்தில் அமைந்திருந்த பொதுத்துறை மருந்து தயாரிப்பு நிறுவனம், இந்திய மருந்துகள் மற்றும் மருந்துப் பொருட்கள் லிமிடெட்டில் பணியாற்றி வந்த அஞ்சி ரெட்டி என்பாரால் இந்த நிறுவனம் நிறுவப்பட்டது.டாக்டர் ரெட்டீசு பலவகைப்பட்ட மருந்துப் பொருட்களை இந்தியாவிலும் வெளிநாடுகளிலும் தயாரித்து சந்தைப்படுத்துகிறது. இந்த நிறுவனம் 190க்கும் கூடுதலான மருந்துகளையும் மருந்து தயாரிப்பிற்குத் தேவையான 60 இயக்கத்திலுள்ள மருந்து உட்பொருட்களையும், நோய்நாடு கருவிப்பெட்டகங்களையும், தீவிர சிகிட்சைப் பிரிவு மருந்துகளையும் உயிரித் தொழினுட்பப் பொருட்களையும் தயாரித்து வருகிறது. Wikipedia